“Раҳмат, капитан”. Аргентина Мессининг мероси абадий қолишини айтди

Лионель Мессининг мероси Аргентина терма жамоаси мухлислари қалбида абадий қолади. Бу ҳақда Аргентина терма жамоаси матбуот хизмати маълум қилди.

Аввалроқ Месси Аргентина терма жамоасидаги фаолиятини якунлашини маълум қилган эди.

“Ҳаётимиздаги энг ажойиб саёҳатни бизга тақдим этганингиз учун ташаккур. Сизнинг меросингиз ва профессионаллигингиз қалбимизда абадий муҳрланиб қолади. Раҳмат, капитан”,  дейилади терма жамоа баёнотида.

Маълумот учун, 39 ёшли Месси 2023 йилдан бери Шимолий Америка Олий футбол лигаси (MLS) вакили “Интер Майами”да тўп тепиб келмоқда. Европада аргентиналик футболчи Франциянинг ПСЖ ва Испаниянинг “Барселона” клубларида ўйнаган. “Барселона” билан у тўрт марта Чемпионлар лигаси, уч мартадан UEFA Суперкубоги ва Клублар ўртасидаги жаҳон чемпионатида ғолиб чиққан.

Ҳужумчи 2022 йилги жаҳон чемпиони, 2014 ва 2026 йилги жаҳон чемпионатларининг кумуш медали соҳиби, 2008 йилги Олимпиада чемпиони ҳамда 2021 ва 2024 йиллардаги Копа Америка ғолиби ҳисобланади.

Месси Аргентина терма жамоаси сафида 207 та учрашувда майдонга тушган Месси 125 та гол урган. У ҳар икки кўрсаткич бўйича ҳам терма жамоа рекордчиси ҳисобланади. Ҳужумчи жаҳон чемпионатларида олти марта иштирок этган.