Путин янги ҳукумат тузилмасини тасдиқлади

Россия Президенти Владимир Путин ҳукумат тузилмаси тўғрисидаги фармонни имзолади. Унинг матни Кремль сайтида эълон қилинди.

Федерал ижроия органларининг тузилмаси тўғрисидаги фармонда ҳукумат бошлиғи, аввалгидек, 10 нафар, шу жумладан биринчи ўринбосарлардан иборат бўлиши белгиланди.

Бош вазирнинг бир ўринбосари бу лавозимни Президентнинг Узоқ Шарқ округидаги ваколатли вакили лавозими билан, бири эса ҳукумат аппарати раҳбари билан бирлаштиради.

Бироқ, янги фармонда, аввалгисидан фарқли ўлароқ, Денис Мантуров аввалги ҳукуматда ишлаган Бош вазир ўринбосари – саноат ва савдо вазирининг қўшма лавозими йўқ.

Путиннинг инаугурациясидан сўнг РБК'нинг учта манбаси янги ҳукуматда Мантуров Бош вазир ўринбосари лавозимини сақлаб қолишини, бироқ Саноат ва савдо вазирлигини бошқаришни тўхтатишини маълум қилди.

РБК'нинг икки суҳбатдошига кўра, унинг ўрнига вазирлик раҳбари лавозимига Калининград вилояти губернатори Антон Алихоновнинг номзоди кўриб чиқилган. 

Маълумот учун, Денис Мантуров 12 йил давомида Саноат ва савдо вазирлиги раҳбари лавозимида ишлаган.

Эслатиб ўтамиз, Россия ҳукумати 7 май куни мамлакат Президенти Владимир Путиннинг инаугурациясидан сўнг дарҳол истеъфога чиққанди. Владимир Путин Давлат Думасига Михаил Мишустиннинг мамлакат Бош вазири лавозимига номзодини тақдим этди.