Путин Трампни АҚШ мустақиллигининг 250 йиллиги билан табриклади

Россия Президенти Владимир Путин АҚШ Президенти Дональд Трампни АҚШ мустақиллигининг 250 йиллиги муносабати билан табриклади. Бу ҳақда Кремль матбуот хизмати хабар қилди.

Табрик мактубида Путин АҚШнинг ташкил топиши жаҳон тарихидаги муҳим воқеа бўлганини қайд этиб, Россия ўз вақтида Шимолий Америка мустамлакаларининг Буюк Британиядан мустақиллик учун олиб борган курашини қўллаб-қувватлаганини эслатган.

Шунингдек, Путин Россия ва АҚШ ўртасидаги муносабатларда кўплаб шонли саҳифалар бўлганини билдирган. Унинг айтишича, икки давлат жаҳон урушларида иттифоқчи бўлиб, инсониятни нацизм таҳдидидан халос этишда муҳим рол ўйнаган.

Россия Президенти Москва ва Вашингтон замонавий халқаро тартибот асосларини шакллантиришга ҳам катта ҳисса қўшганини таъкидлаган. Унинг фикрича, бугунги кунда Россия ва АҚШ дунёдаги энг йирик ядровий давлатлар сифатида глобал хавфсизлик ва барқарорликни таъминлаш учун алоҳида масъулиятга эга.

“Бугунги кунда Россия ва АҚШ дунёдаги энг йирик ядровий давлатлар сифатида глобал хавфсизлик ва барқарорликни таъминлаш учун алоҳида масъулиятга эга”, дея қайд этган Путин.

Путин табрик сўнгида Дональд Трампга мустаҳкам соғлиқ, муваффақият, АҚШ халқига эса тинчлик ва фаровонлик тилаган.

Эслатиб ўтамиз, аввалроқ АҚШ Президенти Дональд Трамп мамлакат мустақиллигининг 250 йиллигига бағишланган байрам тадбирларини Жанубий Дакота штатидаги Маунт-Рашмор ёдгорлигида нутқ сўзлаш билан бошлагани ҳақида хабар берилган эди. У ўз чиқишида мамлакатдаги “коммунистик таҳдид” ҳақида гапириб, уни қўллаб-қувватловчиларни “1776 йил 4 июл душманлари” деб атаган.