Путин БАА Президентига нима совға қилгани маълум бўлди
Олам
−
07 Декабрь 2023 18416
Россия Президенти Владимир Путин кеча, 6 декабрь куни Абу-Дабига борганида Бирлашган Араб Амирликлари Президенти Муҳаммад бин Зоид Ол Наҳаёнга ўзининг портретини совға қилди. Бу ҳақда Кремл матбуот котиби Дмитрий Песков маълум қилди.
"Совғалар алмашинуви бўйича протокол бўлиб ўтди. Путин Президент Наҳаён тасвирланган картинани совға қилди. Путинга эса мозаика туҳфа этилди", дейди Песков.
Путиннинг кечаги сафаридаги иккинчи манзил – Саудия Арабистонида эса совға алмашиш бўлмаган. Песковнинг тушунтиришича, Ар-Риёдга қилинган сафар ишчи ташриф бўлгани учун совға бериш маросими ўтказилмаган.
Эслатиб ўтамиз, кеча, 6 декабрь куни Путин БААга етиб борган ва у ердан кечқурун Саудия Арабистонига жўнаб кетган.
Live
Барчаси
