Прокуратура Катта Фарғона каналига чўккан йигит ҳақида маълумот берди

Crime

−

13 January 2021 visibility56738 timer1 minute

Ижтимоий тармоқларда Фарғона вилоятининг Ёзёвон туманида ўзини Катта Фарғона каналига ташлаган вояга етмаган Абдулазиз Абдурасулов қидирилаётгани ҳақида хабарлар тарқалди.

Фарғона вилояти прокуратурасининг маълум қилишича, мазкур ҳолат юзасидан Ёзёвон тумани прокуратураси томонидан терговга қадар текширув ҳаракатлари олиб борилмоқда.

Дастлабки маълумотга кўра, 2020 йил 22 декабрь куни Ёзёвон туманида туғилган, 2-сонли касб-ҳунар мактаби ўқувчиси Абдулазиз Абдурасулов вояга етмаган танишларини олдида Катта Фарғона каналининг Ёзёвон тумани "Тараққиёт" маҳалла ҳудудидан ўтган қисмига ўзини ташлаб, сувдан қайтиб чиқмаган.

Вояга етмаган Абдулазиз Абдурасуловни қидириб топиш юзасидан барча зарур чоралар кўрилмоқда.

Author

Прокуратура Катта Фарғона каналига чўккан йигит ҳақида маълумот берди

Sunnatilla Abdullaev

News on the topic