Президент ва ҳукумат ҳужжатлари билан тузилган 29 та коллегиал орган тугатилади

Ўзбекистон Республикаси Президенти томонидан “Бюрократик тўсиқларни янада қисқартириш ҳамда давлат органлари ва ташкилотлари фаолиятига замонавий бошқарув тамойилларини жорий қилиш чора-тадбирлари тўғрисида”ги қарорига кўра, 2020 йил 1 январдан бошлаб тугатилаётган алоҳида идоралараро коллегиал органлар рўйхати тасдиқланди. Рўйхатга 29 та ташкилот киритилган.

Адлия вазирлиги манфаатдор вазирлик ва идоралар билан бирга 2020 йил 1 мартга қадар мазкур қарорнинг 3-иловасини амалга оширишга қаратилган тегишли тадбирларни амалга оширилишини таъминлаши ва бунда қуйидагиларни назарда тутиши белгиланди:

- тугатилаётган идоралараро коллегиал органларнинг вазифалари, функциялари, ҳуқуқ ва мажбуриятлари белгилаб берилган норматив-ҳуқуқий ҳужжатларни хатловдан ўтказиш ва ўрганиш;

- ўтказилган хатлов ва ўрганиш натижаларига кўра, аниқланган тугатилаётган идоралараро коллегиал органларнинг долзарб ваколатларини тегишли давлат органлари ва ташкилотларига ўтказишни назарда тутувчи норматив-ҳуқуқий ҳужжатлар лойиҳаларини ишлаб чиқиш.