Парранда гриппининг белгилари қандай бўлади? 

Саломатлик 3654
image

Россия пойтахти Москвадаги 2-сонли юқумли касалликлар шифохонаси шифокори Илья Акинфеев одамда янги парранда гриппи аломатлари қандай бўлиши ҳақида маълумот берди. 

Унга кўра, парранда гриппини юқтирган одамда кучли интоксикация, кўкрак қафаси оғриғи, қуруқ йўтал ва ҳароратнинг +39-40°С даражагача кўтарилиши ҳолатлари кузатилади. 

Шифокорнинг сўзларига кўра, фақатгина аниқ ташхис қўйиш орқали беморнинг гриппнинг қайси турига чалинганини аниқлаш мумкин бўлади. 

Маълумот ўрнида, жорий йилнинг 20 февраль куни Россиянинг жанубидаги паррандачилик фермасининг еттита ходимида илк бор янги турдаги парранда гриппи аниқлангани ҳақида хабар берилганди. 

Кейинчалик, беморларнинг барчаси соғайиб кетгани маълум бўлди. 

Рушана Султонова
Мақолага баҳо беринг
Баҳолаганлар: 117
Рейтинг: 2.9
t
×