Олма-отада ҳалок бўлган ва қўлга олинган ўзбекистонликлар ҳақида маълумот берилди
Жамият
−
31 Июль 2019 5283
Аввалроқ, Қозоғистоннинг Олма-ота вилояти Уйғур туманида Ўзбекистон фуқароси ўз ватандошини ўлдиришда айбланиб қўлга олингани ҳақида хабар берган эдик.
Ўзбекистон Республикаси Ташқи ишлар вазирлиги Қозоғистонда ҳалок бўлган ва қўлга олинган ўзбекистонликлар ҳақида маълумот берди.
Унга кўра, Ўзбекистоннинг Олма-ота шаҳридаги Бош консулхонаси 27 июль куни Олмаота вилояти Уйғур туманида содир бўлган жанжалда Ўзбекистон фуқароси М.К. ўлдирилгани тўғрисидаги хабарларни тасдиқлаган.
Марҳумнинг жасади қариндошлари ҳамроҳлигида Ватанга жўнатилган.
Мазкур жиноят содир қилишда гумонланиб Ўзбекистон фуқароси У.С. қўлга олинган ва ушбу ҳолат юзасидан жиноий иш очилган. Бош консулхона вазиятни назоратда ушлаб турибди.
Live
Барчаси
