Нодирбек Абдусатторов яна Карлсенга қарши дона суради (видео)
Спорт
−
09 Апрель 2729
Франциянинг Париж шаҳри мезбонлик қилаётган шахмат бўйича “Freestyle Chess Grand Slam Tour 2025” турнири доирасида ўзбекистонлик шахматчи Нодирбек Абдусатторов чорак финалда норвегиялик Магнус Карлсенга қарши ўйнайди.
Мусобақанинг иккинчи кунида, яъни 8 апрель кунги баҳсларда Абдусатторов ҳиндистонлик амалдаги жаҳон чемпиони Гукеш Доммаражуни мағлуб этди ва Хикару Накамура билан дуранг ўйнади. Саралаш босқичи якунига кўра, 5 та ғалаба, 3 та дуранг ва 3 та мағлубият қайд этган Абдусатторов турнир жадвалида 5-ўринни эгаллади ва кейинги босқичга йўл олди.
Маълумот ўрнида, турнир жадвалида 1-8-ўринларни эгаллаган шахматчилар чорак финал йўлланмасини қўлга киритади. Чорак финал баҳслари бугун, 9 апрель куни бўлиб ўтади.
Чорак финал жуфтликлари:
Карлсен - Абдусатторов;
Непомняший - Креймер;
Каруана - Лаграв;
Эригаиси - Хикару.
Live
Барчаси
