Ниццадаги теракт бўйича сўнгги тафсилотлар маълум қилинди
Олам
−
03 Ноябрь 2020 6010
Франция ҳуқуқни муҳофаза қилиш органлари ходимлари Ницца шаҳридаги Нотр-Дам соборига қилинган ҳужумга оид тергов доирасида яна тўрт кишини ҳибсга олди. Бу ҳақда France-Press (AFP) хабар бермоқда.
Унга кўра, ҳибсга олишлар Валь-д'Уаз департаментида (Иль-де-Франс пойтахт вилояти) амалга оширилган. Ҳибсга олинганлардан бири – 29 ёшли эркак – жиноятчи билан алоқада бўлганликда гумон қилинмоқда. Яна уч киши унинг квартирасида ҳибсга олинган.
Эслатиб ўтамиз, 29 октябрь куни эрталаб пичоқ билан қуролланган 21 ёшли тунислик Франциянинг Ницца шаҳридаги Нотр-Дам ибодатхонасига ҳужум қилди. Ҳужум оқибатида уч киши ҳалок бўлди ва тажовузкор қўлга олинди. Воқеани тергов қилиш Франциянинг Миллий аксилтеррор прокуратураси томонидан олиб борилмоқда.
Live
Барчаси
