Неймар “Барселона”га қайтадими?

Испаниянинг “Барселона” клуби собиқ футболчиси Неймарнинг эҳтимолий трансфери имкониятлари мавжудлигига қарамай, уни ўз сафига қўшиб олиш ниятида эмас. Бу ҳақда “Mundo Deportivo” хабар берди.

Манбага кўра, Каталония клубига яна бир бор ҳужумчини сотиб олиш таклифи тушган, бироқ Хави бошчилигидаги мураббийлар штаби бу фикрни қўллаб-қувватламаяпти. “Барса” мутахассислари унинг маҳоратини тан олишсада, футболчи жамоавий муҳитга салбий таъсир қилишидан хавотирда.

Шунга қарамай, ҳозирги вазиятда Неймарнинг “Барселона”га ўтиши катта сюрприз бўлиши ҳам айтилмоқда.

Эслатиб ўтамиз, аввалроқ Неймарнинг ПСЖ мухлислари билан муносабатлари яхши бўлмаса ҳам, у парижликлар сафида қолиши маълум бўлганди. 

Гап шундаки, жорий йилнинг май ойида ПСЖ мухлислари клуб ҳужумчиси Неймарнинг уйи олдида норозилик намойиши уюштириб, унинг жамоадан кетишини талаб қилган. Шунингдек, парижлик ишқибозлар ПСЖ раҳбарияти қароргоҳи олдида ҳам жамоа таркибини ўзгартиришни талаб қилиб норозилик билдирган.