Neymar “Barselona”ga qaytadimi?

Ispaniyaning “Barselona” klubi sobiq futbolchisi Neymarning ehtimoliy transferi imkoniyatlari mavjudligiga qaramay, uni o‘z safiga qo‘shib olish niyatida emas. Bu haqda “Mundo Deportivo” xabar berdi.

Manbaga ko‘ra, Kataloniya klubiga yana bir bor hujumchini sotib olish taklifi tushgan, biroq Xavi boshchiligidagi murabbiylar shtabi bu fikrni qo‘llab-quvvatlamayapti. “Barsa” mutaxassislari uning mahoratini tan olishsada, futbolchi jamoaviy muhitga salbiy ta’sir qilishidan xavotirda.

Shunga qaramay, hozirgi vaziyatda Neymarning “Barselona”ga o‘tishi katta syurpriz bo‘lishi ham aytilmoqda.

Eslatib o‘tamiz, avvalroq Neymarning PSJ muxlislari bilan munosabatlari yaxshi bo‘lmasa ham, u parijliklar safida qolishi ma’lum bo‘lgandi. 

Gap shundaki, joriy yilning may oyida PSJ muxlislari klub hujumchisi Neymarning uyi oldida norozilik namoyishi uyushtirib, uning jamoadan ketishini talab qilgan. Shuningdek, parijlik ishqibozlar PSJ rahbariyati qarorgohi oldida ham jamoa tarkibini o‘zgartirishni talab qilib norozilik bildirgan.