Навоийда 2 дона қалампирга 2 млрд сўмлик чек урилди
Жамият
−
01 Ноябрь 2025 39315 1 дақиқа
Навоий вилоятида сотувчи хатоси ортидан 2 дона қалампир нархи тўлов кассасига 2 млрд сўм қилиб киритилди. Бу ҳақда Адлия вазирлиги хабар берди.
Маълум қилинишича, сотувчи дўкондан сотиб олинган қалампир маҳсулоти учун 20 минг сўмлик чек уриш ўрнига англашилмовчилик сабабли 2 млрд сўмлик чек уриб юборган.
Шундан сўнг, катта миқдордаги солиқ қарздорлиги юзага келган. Тадбиркор ортиқча солиқ қарздорлиги юзага келгани сабабли чекни бекор қилишни сўраган бўлса-да, Солиқ бошқармаси чек маълумотларини таҳрирлаб бўлмаслигини маълум қилган.
Тадбиркор эса вилоят Солиқ бошқармаси устидан Навоий туманлараро маъмурий судга шикоят киритган. Натижада солиқ бошқармаси мансабдор шахсларининг хатти-ҳаракатлари қонунга хилоф деб топилиб, тадбиркор фойдасига суднинг ҳал қилув қарори қабул қилинган.
