Мусулмонлар идораси Рамазон ойи бўйича баёнот берди
Жамият
−
29 Март 2022 34047
Ўзбекистон мусулмонлари идорасида муборак Рамазон ойини муносиб кутиб олиш ва Ислом дини тартиб-қоидалари асосида ойни кузатиш бўйича ишчи гуруҳ тузилган. Бу ҳақда Мусулмонлар идораси Матбуот хизмати маълум қилди.
Қайд этилишича, таниқли уламолар ва малакали мутахассислардан иборат ишчи гуруҳ Рамазон ойи киришини астрономик таҳлиллар асосида кузатиб боради ва унинг натижаларини Ўзбекистон мусулмонлари идораси Уламолар кенгашига киритади.
“Рамазон ойи бошланиши ҳақидаги хабар Уламолар кенгаши томонидан кўриб чиқилади”, дейилади ЎМИ баёнотида.
Шу ўринда айтиш жоизки, Ўзбекистонга қўшни бўлган Қозоғистон ва Қирғизистонда Рамазон ойининг бошланиш санаси эълон қилиб бўлинди. Аҳамиятлиси, Қозоғистон диний идораси вакиллари муқаддас ойнинг бошланиши ҳақидаги қарор Ўзбекистон ва Қирғизистон уламолари билан келишиб, қабул қилинганини билдирди.
Live
Барчаси
