Muhandis olimlarning maoshi oshirildi
O‘zbekiston
−
09 Dekabr 2019 7342 1 daqiqa
Ilmiy-tadqiqot institutlarining ilmiy faoliyatni konstruktor-texnologik ta’minlash, ilmiy laboratoriya uskunalariga xizmat ko‘rsatish vazifalari yuklatilgan muhandis-texnik xodimlarining bazaviy lavozim maoshlari miqdorlari qayta indeksatsiyalandi. Bu haqda “Norma” xabar berdi.
Bu avgust oyida byudjetdan moliyalashtiriladigan tashkilotlar xodimlarining ish haqi oshirilganligi bilan bog‘liqdir. Eslatib o‘tamiz, o‘sha paytdagi indeksatsiya 10 foizni tashkil etgan. Yuqorida aytib o‘tilgan xodimlarning maoshi ham shunday tartibda oshirilgan. Bu pulda quyidagicha ifodalanadi.
1 avgustdan bosh muhandisning bazaviy lavozim maoshi 4 029 300 so‘mni, bosh konstruktor va texnologniki – 3 575 550 so‘mni tashkil etadi. Quyi lavozimlardagi mutaxassislarning maoshi mehnat stajiga qarab belgilanadi.

Live
BarchasiShavkat Mirziyoyev Ummonga bordi
16 Noyabr
Bangladeshda tikuvchilar ish tashlamoqda
16 Noyabr