Moskvada ozarbayjonlik “qonundagi o‘g‘ri” ushlandi (video)

Moskvada ozarbayjonlik “qonundagi o‘g‘ri” Vaqif Sulaymonov (jinoyat olamida Vaqif Bakinskiy nomi bilan tanilgan) hibsga olindi. Bu haqda RBK xabar berdi.

Uning hibsga olinishi Rossiya va Ozarbayjon o‘rtasidagi munosabatlar keskinlashgan bir paytda yuz berdi. Tarmoqlarda Sulaymonov hibsga olinayotgan vaqtdagi video ham e’lon qilindi.

“Kommersant’” nashrining yozishicha, u Rossiyada yashash qoidalarini buzganlikda ayblanmoqda. Sulaymonov Moskvadagi migratsiya markaziga joylashtirilgan va uch oydan keyin Ozarbayjonga deportatsiya qilinadi. 

Sulaymonov Moskvadagi Food City bozori bilan bog‘liq loyihalarda ishtirok etgan. 2006 yilda gashish saqlaganlik uchun hibsga olingan va 2013 yilda 18 million rubl talab qilganlikda gumon qilinib, yana hibsga olingan.

Rossiya va Ozarbayjon munosabatlari 

Rossiya va Ozarbayjon o‘rtasidagi munosabatlarning jiddiylashuvi Yekaterinburgdagi o‘tmishdagi jinoyatlar bo‘yicha tergov doirasida bir qancha ozarbayjonlar hibsga olinganidan so‘ng бошланган. Ulardan ikki nafari vafot etgan. Shundan сўнг Ozarbayjonda “Sputnik Ozarbayjon” axborot agentligi ofisida tintuv o‘tkazilib, Rossiya uchun josuslik qilishda gumonlangan ikki kishi hibsga olingan. Shuningdek, Ozarbayjonda sakkiz nafar Rossiya fuqarosi narkotik tranziti bo‘yicha ayblanib, hibsga olingan.