“Милан”нинг собиқ футболчиси ўлик ҳолда топилди
Спорт
−
05 Июнь 2021 10416
Италиянинг “Милан” клуби тизимининг собиқ футболчиси Сеид Висин 20 ёшида вафот этди. Бу ҳақда клубнинг Twitter’даги саҳифасида хабар берилган.
“20 ёшли йигит билан хайрлашиш учун керакли сўзларни топиш имконсиз”, дейилган хабарда.
Ёш футболчининг жасади унинг ота-онаси томонидан ўз квартирасида топилган. Ҳозирда ўлим сабаби номаълумлигича қолмоқда.
Маълумот ўрнида, Сеид Висин Эфиопияда туғилган. У етти ёшида Апеннин ярим оролига кўчиб ўтган. Бўлажак футболчини у ерда маҳаллий оила асраб олган. Футболчи 2017 йилда футзалга ўтган.
