Милан асосий футболчиси билан шартномани узайтирмоқчи

Спорт

−

27 Ноябрь 2021 visibility2075

Италиянинг “Милан” клуби чап қанот ҳимоячиси Тео Эрнандес билан шартномани узайтирмоқчи. Бу ҳақда “La Gazzette dello Sport” нашри хабар берди

Қайд этилишича, францилик футболчи ҳам жамоада қолмоқчи. Теонинг “россонерилар” билан амалдаги шартномаси 2024 йилда ўз якунига етади. Унга кўра футболчи йилига 1,5 миллион евро маош олади. Бироқ, жамоа шартномани узайтирмоқчи.

Клуб раҳбарияти Теога шартномани 2026 йилгача узайтириш ва 4 миллион евро йиллик маош таклиф қилмоқда.

UEFA Чемпионлар лигасида “Атлетико” мағлуб этилганидан сўнг, “Милан” вакиллари Мадридда Эрнандеснинг агенти билан учрашган. Ҳозирча томонлар келишувга эришмаган. Маълум қилинишича, Тео йилига 5 миллион евродан кўп маош сўрамайди.

Маълумот учун, жорий мавсумда Тео Эрнандес “Милан” сафида 14 та ўйинда майдонга тушиб, битта гол урган ва тўрт марта шерикларига ассистентлик қилган.

Мақола муаллифи