Месси MLS тарихида янги рекорд ўрнатди

“Интер Майами” ҳужумчиси Лионель Месси 2025 йил октябрь ойи учун MLS'нинг энг яхши футболчиси деб топилди. Аргентиналик юлдуз бу совринни икки мавсумда бешинчи марта қўлга киритиб, лига тарихида янги рекорд ўрнатди. Бу ҳақда клуб матбуот хизмати хабар берди.

Месси октябрь ойида 3 та ўйинда майдонга тушиб, 5 та гол ва 5 та голли узатмани амалга оширди. У “Нью-Инглэнд” ва “Атланта”га қарши ўйинларда жамоасига ғалаба келтирган голларга муаллифлик қилди. “Нэшвилл” билан ўйинда эса хет-трик қайд этди. Мавсум якунида 29 та гол урган Месси Audi томонидан тақдим этилган 2025 йилги MLS “Олтин бутса” совринини қўлга киритди.

Умуман олганда, Месси 2025 йилги мавсумни 28 ўйинда 48 та голли иштирок (гол+пас) билан якунлади. Бу MLS тарихидаги иккинчи энг яхши кўрсаткичдир. Шунингдек, у жорий мавсумда лига бўйича энг кўп гол ва голли узатма муаллифи бўлди.

Маълумот учун, МLS'да ойнинг энг яхши футболчиси ҳар ойда “MLS Communications” томонидан ўтказиладиган овоз бериш орқали аниқланади. 

Эслатиб ўтамиз, аввалроқ Месси Аргентина жамоаси билан Пуэрто-Рикога қарши баҳсда 2 та голли узатма амалга ошириб, халқаро футболда энг кўп голли узатма бўйича жаҳон рекордини янгилагани ҳақида хабар берилган еди.