Маск 12-марта ота бўлди – “Bloomberg”
Бу қизиқ
−
24 Июнь 10640
Дунёнинг энг бадавлат кишиларидан бири, Tesla ва SpaceX асосчиси, X ижтимоий тармоғи эгаси Илон Маск 12-марта фарзандли бўлди. Бу ҳақда “Bloomberg” нашри хабар берди.
Қайд этилишича, Маск 2024 йил бошида яна бир бор ота бўлган. “Bloomberg” маълумотларига кўра, манбалар бола ҳақидаги бошқа тафсилотларни, жумладан унинг жинсини ошкор қилмаган. Боланинг онаси миллиардернинг ҳозирги рафиқаси Шивон Зилис бўлиб, у Маскка тегишли Neuralink компаниясининг директори ҳисобланади. Ҳозирда умумий ҳисобда уларнинг уч нафар фарзанди бор. Бундан ташқари, Маскнинг собиқ хотинлари канадалик поп юлдузи Гримсдан уч нафар ва Жастин Уилсондан эса олти нафар фарзанди бор.
Шунингдек, 52 ёшли Маск Х ижтимоий тармоғига жойлаган постларининг бирида пронаталист эканини айтиб, узоқ вақтдан бери аҳолининг камайиб бораётганини даъво қилган.
“Аҳолининг камайиш инқирозига ёрдам бериш учун қўлимдан келганини қиляпман”, деб ёзган у ижтимоий тармоқда.
Эслатиб ўтамиз, жорий йилнинг март ойида Elon Musk Junior ники билан рўйхатдан ўтган Кенияда яшовчи Х ижтимоий тармоқ фойдаланувчиси америкалик миллиардер Илон Маскнинг ўғли эканини даъво қилганди.
