“Манчестер Сити” Ҳусановни ЕЧЛда ўйнашини таъминлади

Спорт

image

30 январга ўтар кечаси Европа Чемпионлар лигасининг гуруҳ босқичи сўнгги тур ўйинлари бўлиб ўтди ва якунда кейинги босқичга йўл олган 24 жамоа номи аниқ бўлди.

“Манчестер Сити” нимчорак финал йўлланмасини ўз уйида ҳал қилди

“Этиҳад”да бўлиб ўтган ўйинда Гвардиола шогирдлари 3:1 ҳисобида ғалаба қозонди ва якуний жадвалда 22-ўринга кўтарилиб олди. Рақиб “Брюгге” эса мағлуб бўлганига қарамай, нимчорак финал йўлланмасини тақдим этувчи сўнгги 24-ўринда қолди ва кейинги босқичга йўл олди. Энди асосий мавзуга ўтадиган бўлсак, UEFA қонун-қоидаларига кўра, “Манчестер Сити” агар нимчорак финалга ўтадиган бўлсагина янги келган футболчиларни қайдномадан ўтказа оларди ва бу иш амалга ошди. ЕЧЛ 1/16 босқичида клубнинг янги келган футболчилари Абдуқодир Ҳусанов, Витор Рейс ва Омар Мармуш қайдномадан ўтказилади ва майдонга тушиши мумкин. Якуний жадвал натижаларига кўра, “Манчестер Сити”нинг навбатдаги рақиби қуръа натижасига кўра аниқланади. Клубнинг кейинги рақиби “Реал Мадрид” ёки “Бавария” бўлади.

ПСЖ ҳам вазифани аъло даражада уддалади

Парижликлар сўнгги тур олдидан жадвалнинг 22-ўрнида келаётганди. Жамоа сўнгги турда меҳмонда “Штуттгарт”ни 4:1 ҳисобида мағлуб этиб, якуний жадвалда 15-ўринни қайд этиб, кейинги босқичга йўл олди. Клубнинг кейинги босқичдаги рақиби қуръа орқали аниқланади. Ҳозирча, “Бенфика” ва “Монако” эҳтимолий рақиблар орасида бор.

Турнирни тарк этганлар

Якуний жадвалда 24-ўриндан пастдаги жамоалар автоматик равишда турнирни тарк этади. “Динамо Загреб” ўз уйида “Милан”ни мағлуб этганига қарамай кейинги босқичига чиқа олмади. “Штуттгарт” таъкидланганидек, ўз майдонида ПСЖга йирик ҳисобда мағлуб бўлди ва нимчорак финал учун имкониятларидан маҳрум бўлди. Украинанинг “Шахтиёр” жамоаси ҳам якуний жадвалга кўра, турнирдаги юришини гуруҳда якунлади. “Болонья”, “Црвена Звезда”, “Штурм”, “Спарта”, “Лейпциг”, “Жирона”, “Зальцбург”, “Слован” ва “Янг Бойс” жамоалари Чемпионлар лигасидаги ўз иштирокини шу йўсинда тугатди.

Тўғридан тўғри чорак финалга йўл олганлар

“Ливерпуль” сўнгги турда меҳмонда ПСВга мағлуб бўлган бўлса-да, пешқадамликни ўзида сақлаб қолди. “Барселона” охирги ўйинда “Аталанта” билан дуранг ўйнади ва 2-ўринни қайд этди. “Арсенал” сўнгги турда “Жирона”ни мағлуб этиб, 3-ўринга жойлашди. “Интер”, “Атлетико”, “Байер”, “Лилль” ва “Астон Вилла” мос равишда 3,4,5,6,7 ва 8-ўринларни қайд этди, чорак финалга тўғридан тўғри йўл олди.

31 январь куни якуний жадвалда 8-ўриндан пастдагилар ўртасида қуръа ташлаш маросими бўлиб ўтади ва ким ким билан тўқнаш келиши маълум бўлади.


Мақола муаллифи

Теглар

Манчестер Сити ПСЖ Европа Чемпионлар лигаси Абдуқодир Ҳусанов

Баҳолаганлар

0

Рейтинг

3

Мақолага баҳо беринг

Дўстларингиз билан улашинг