Махачев ва Оливейра ўртасида реванш жанги бўладими?
Спорт
−
11 Июнь 2023 4484
Бразилиялик собиқ чемпион Чарльз Оливейра бугун, 11 июнь куни UFC 289 мусобақасида америкалик Бэнил Дариушни муддатидан аввал мағлубиятига учратди. Бу орқали Оливейра енгил вазн тоифасида россиялик Ислом Махачевга тегишли бўлган камарга расмий даъвогарга айланди.
Ташкилот президенди Дана Уайт ҳам мазкур тўқнашув шахсан ўзи ва мухлислар учун жуда қизиқ эканини айтди. Унга кўра, Ислом ва Оливейра ўртасида ҳалигача ечимини кутаётган масала бор.
“Келинг ҳар хил ўйинлар ўйнашни тўхтатамиз, бу жангни ташкил қилишдан маъно бор. У бўлиши керак ва мен уларни яна октагонда кўришдан хурсанд бўламан”, дейди Дана Уайт.
Маълумот учун, Оливейра ва Исломнинг биринчи жанги 2022 йилнинг 23 октябрь куни UFC 280 мусобақасида бўлиб ўтган. Унда россиялик биринчи раунднинг ўзида бўғиш усули орқали Оливейрадан чемпионлик камарини тортиб олган.
Live
Барчаси
