Мадримов WBO рейтингида топ-10 га кирди

Спорт

−

27 Ноябрь visibility7741

Ўзбекистонлик профессионал боксчи Исроил Мадримов Бутунжаҳон бокс ташкилотининг (WBO) янгиланган рейтингида 10-ўринни эгаллади. Бу ҳақда ташкилот матбуот хизмати хабар берди.

Мадримовнинг бўлажак рақиби украиналик Сергей Богачук эса 14-ўринни банд этди. Улар ўртасидаги жанг 21 декабрь куни Саудия Арабистони пойтахти Ар-Риёд шаҳрида ташкил этилади.

Рейтингда пуэрто-риколик Ксандер Заяс етакчилик қилмоқда. Кучли учликка британиялик Жош Келли ва америкалик Чарльз Конвелл кирди.

WBO рейтинги:

1. Ксандер Заяс;
2. Жош Келли;
3. Чарльз Конвелл;
4. Такеши Иноуэ;
5. Хесус Рамос;
6. Чердал Букер;
7. Хорхе Гарция Перес;
8. Фрейдис Рохас;
9. Ардреал Холмс;
10. Исроил Мадримов;
14. Сергей Богачук.

Эслатиб ўтамиз, аввалроқ яна бир ўзбекистонлик боксчи Шаҳрам Ғиёсовнинг чемпионлик жанги санаси маълум бўлганди.

Мақола муаллифи