Лукаку ЕЧЛ чемпиони сафига қўшилиши мумкин
Спорт
−
02 Июнь 2021 2575
Лондоннинг “Челси” клуби “Интер” ҳужумчиси Ромелу Лукакунинг хизматларига жиддий қизиқиш билдирмоқда. Бу ҳақида “Football London” нашри хабар берди.
Унда келтирилишича, клуб президенти Роман Абрамович Тимо Вернернинг ҳужумдаги ўйинидан қониқиш ҳосил қилмаган ва уни заҳира ўйинчиси сифатида кўрмоқда. Шунингдек, Томас Тухель ҳам айнан Лукаку билан келаси мавсум АПЛни ютишига ишонмоқда.
Ҳозирда “Челси” расмийлари миланликлар билан расмий тарзда боғланган. 28 ёшли ҳужумчининг трансфер нархи 70-80 миллион евро атрофида бўлиши тахмин қилинмоқда.
Эслатиб ўтамиз, белгиялик форвард 2019 йилнинг ёзида “Манчестер Юнайтед”дан “Интер” сафига кўчиб ўтган эди. Якунига етган мавсумда у жамоаси билан А Серия чемпионлигини қўлга киритди.
Абдулла Маннонов
Live
БарчасиБухорода Ғиждувон деҳқон бозори ёнмоқда.
14 Декабрь
