“Let it go…”. “Муз юрак” қайтмоқда

Фильм яратилганига 10 йил тўлиши муносабати билан “Муз юрак” ижодкорлари  мультфильмнинг 12 қисмдан иборат янги сериалини тақдим этди. Бу ҳақда “The Guardian” нашри хабар берди. 

2013 йилда “туғилган” “Муз юрак” картинаси фильмдан ҳам кўпроқ “Let it go” саундтреки билан бутун дунёга танилди.  Унинг иккита фильми жаҳон кассаларидан 1 миллиард доллардан кўпроқ даромад олди. Шунингдек, у Идина Мензел ва Кристен Белл каби актёрлар таркиби туфайли энг яхши анимацион бадиий фильм номинациясида Оскарни қўлга киритган биринчи Disney фильми бўлди.

Энди эса картина подкаст форматига ўтяпти. Ушбу сериал “Муз Юрак 2”да содир бўлган воқеаларининг мантиқий давомини акс эттириши кутилмоқда. Унинг сюжети иқлим фалокатидан илҳомланиб ишлаб чиқилган бўлиши мумкин. Чунки подкастда табиат руҳлари табиий тартибни бузадиган сирли машиналар натижасида ҳаракат қила бошлайди. Фильмнинг машҳур қаҳрамонлари Анна ва Эльза эса уларни тўхтатиши керак.

“Ушбу сериал томошабинларнинг тасаввурига таъсир қилади ва ота-оналарга фарзандлари билан бирга кўриш учун қизиқарли тажрибани тақдим этади”, деди ABC Audio компанияси вице-президенти Лиз Алесси.

Сериалда Анна, Эльза ва бошқа қаҳрамонларнинг ролларини янги актёрлар ижро этган. Бироқ бу асл актёрларнинг фильмни бутунлай тарк этганини англатмайди. Disney учинчи фильм устида ишлаётганини ва Мензел ушбу қисмда ҳам ижодий жамоада эканлигини маълум қилди.

Эслатиб ўтамиз, Дисней+ 2022 йил август ойида илк премьераси бўлиб ўтган “Мен Грутман” фильмининг 2-фаслини шу йилнинг сентябрь ойида тақдим этишни режалаштирмоқда.