Коронавирусдан ҳимоя қиладиган табиий маҳсулотлар рўйхати очиқланди

Саломатлик 23680
image

Ёнғоқ, малина, вино коронавирус инфекцияси билан курашишга ёрдам беради. Бу ҳақда АҚШ миллий тиббиёт библиотекасида маълум қилинган. 

SARS-CoV-2 вируси ҳужайрага АCЕ2 ферменти орқали киради. Ушбу оқсил ўпка, юрак, буйрак ва мия тўқималарида мавжуд. Канаданинг Лавал университети олимлари, табиий антиоксидант бўлган ресвератролни кўпроқ истеъмол қилиш организмдаги АCЕ2 концентрациясини ошириш хусусиятини аниқлашди.

Бу баъзи меваларда учрайди ва турли хил стресс ҳолатларга, шу жумладан ҳаддан ташқари ултрабинафша нурланишига, иқлимнинг кескин ўзгаришига, касаллик ва паразитларга нисбатан чидамлилигини оширишга ёрдам беради. Ресвератрол иммунитетга таъсири туфайли COVID-19’нинг оғирлигини камайтириши мумкин.

Антиоксидант унинг табиий манбаларидаги таркибига мос келадиган концентрацияда фаол бўлади. Ресвератрол яллиғланишга қарши таъсирга эга. У қизил шароб, ерёнғоқ, писта, какао, малина, узум, черника ва клюквада учрайди. Рационга бу маҳсулотларни қўшиш ҳар қандай ҳолатда ҳам фойдали бўлади, дейди мутахассислар.

Қизил шароб, узум, ерёнғоқ таркибида ресвератрол деярли бир хил, шунинг учун коронавирусдан ҳимоя қилиш учун спиртли ичимликларни истеъмол қилишни кўпайтириш шарт эмас.

Qalampir.uz Tahririyati
Мақолага баҳо беринг
Баҳолаганлар: 917
Рейтинг: 3
Теглар
t
×