Коронавирус юқтирган ўзбекистонликлар 2800 нафардан ошди. 6 бемор оғир аҳволда
Жамият
−
19 Май 2020 9619
Ўзбекистонда янги турдаги коронавирус COVID-19 инфекциясига чалинган яна 11 нафар бемор аниқланди. Бу ҳақда Соғлиқни сақлаш вазирлиги хабар бермоқда.
2020 йил 19 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 2802 нафарни ташкил қилмоқда. Қайд этилган янги касалланиш ҳолатларининг 10 нафари хориждан келган фуқароларда (улардан 7 нафари Россиядан келган ва 3 нафари халқаро юк ташувчи автомашина ҳайдовчиси) ҳамда 1 нафари олдиндан карантинда бўлган фуқаролар орасидан аниқланган.
Айни пайтда мамлакатда 475 нафар бемор даволанмоқда, улардан 6 нафарининг аҳволи оғир. Барча беморларга шифокорларимиз томонидан белгиланган стандартлар бўйича даво чоралари кўрилмоқда.
Эслатиб ўтамиз, Ўзбекистонда коронавирусни юқтириб олиш билан боғлиқ илк ҳолат жорий йилнинг 15 март куни қайд этилган эди. Бугунгача беморларнинг 2314 нафари соғайган ва 13 нафари вафот этган.
Live
Барчаси
