Коронавирус “водопровод” сувидан юқиши мумкинми?

north_east

Коронавирусга чалинган 5 нафар беморда касаллик аломатлари йўқолган – Алматов

Коронавируснинг “водопровод” сувидан юқиш ҳолатлари ҳали аниқланмаган. Бу ҳақда Давлат Бош санитария врачи Баҳром Алматов брифинг вақтида маълум қилди.

“Спиртли воситалар, спиртли геллар, спиртнинг ўзи ҳам коронавирусни ўлдиради. Ҳозирда дезинфекцияловчи турли воситалар ишлаб чиқарилмоқда, уларнинг аксарияти таркибида спирт мавжуд. Спиртнинг вирусларни ўлдириш хусусияти бор.

Коронавируснинг “водопровод” сувидан юқиш ҳолатлари ҳали аниқланмаган. Чунки “водопровод” сувидан юқиши учун ана шу сув қувурлар тизимининг манбасига вирус тушган бўлиши керак”, деди Баҳром Алматов.

Эслатиб ўтамиз, Ўзбекистонда коронавирусни юқтириб олиш билан боғлиқ илк ҳолат жорий йилнинг 15 март куни қайд этилган эди. Айни вақтда ушбу вирусни юқтириб олганлар 49 нафарга етди.

Қадрли юртдошлар, карантин даврида зарурат бўлмаса, кўчага чиқманг. Вақтни оилангиз, фарзандларингиз даврасида ўтказинг. Унутманг, #UydaHayotBor