Коронавирус: Ўзбекистонда касалланишлар сони бўйича рекорд ўрнатилди. Тошкентда аҳвол оғир

Жамият 50689
image

Бугун, 7 июнь куни Ўзбекистонда 237 ҳолат (Карантин марказида – 20, Тошкент шаҳрида – 195, Тошкент вилоятида – 10, Хоразм вилоятида – 8, Сирдарё вилоятида – 4) да касаллик қайд этилган. Бу ҳақда Соғлиқни сақлағ вазирлиги Матбуот хизмати хабар берди.

Бугун 86 нафар фуқаро соғайди. Шундан 73 нафари Тошкент шаҳридаги, 8 нафари Бухоро вилоятидаги, 4 нафари Навоий вилоятидаги ҳамда 1 нафари Самарқанд вилоятидаги тиббиёт муассасаларида соғайиб чиқишди.

Ҳозирда касаллик қайд этилган жами 4331 нафар бемордан 3354 нафари соғайиб, даволаниш кўрсаткичи 77 фоизни ташкил этмоқда.

Айни пайтда тиббиёт муассасаларида даволанаётган 960 нафар бемордан 6 нафари оғир, 2 нафари эса ўта оғир аҳволда.

Шу кунгача жами 441 618 нафар фуқаро карантинга олинган бўлиб, уларнинг 396 349 нафари карантиндан чиқарилган.

Ҳозирда мамлакатда уй карантинида 23 362 нафар, стационар карантинда эса 21 907 нафар фуқаро тиббий кузатувда бўлиб турибди.

Суннатилла Абдуллаев
Мақолага баҳо беринг
Баҳолаганлар: 2248
Рейтинг: 3
t
×