Коломбода ҳибсга олинган Россия самолёти озод қилинди – ОАВ
Олам 06 Июнь 19:41
4585
Бугун, 6 июнь куни Коломбо суди “Аэрофлот” авиакомпаниясига тегишли Airbus A330 самолётининг Шри-Ланкадан чиқиб кетишини тақиқловчи суд ҳукмини бекор қилди. Бу ҳақда “Newsfirst” ахборот портали хабар берди.
Қайд этилишича, ҳукм Коломбо Олий хўжалик суди Бош прокурор томонидан берилган аризани кўриб чиққандан кейин бекор қилинган. Тақиқ эса олиб ташланган.
Самолётни ҳибсга олишни бекор қилиш бўйича суд мажлиси жорий йилнинг 8 июнига белгиланганди. Бекор қилинган рейснинг 200 га яқин йўловчиси эса меҳмонхонага жойлаштирилган эди.
Маълумот учун, жорий йилнинг 19 май куни Буюк Британия Россиянинг “Аэрофлот”, “Россия” ва “Урал авиақатнови” авиакомпанияларини санкциялар рўйхатига киритган.