Ким Чен Ин бирданига 20 кг вазн йўқотган. Унинг аҳволи қай даражада?
World
−
08 July 2021 8889 1 minute
Корея Халқ Демократик Республикаси етакчиси Ким Чен Ин деярли 20 кг вазн йўқотган, аммо унинг бошқарувига таъсир қиладиган соғлиғи билан боғлиқ жиддий муаммолар йўқ. Бу ҳақда Жанубий Корея депутати Ким Бен Ки разведка хизматлари билан маслаҳатлашганидан сўнг маълум қилган.
“Агар унинг соғлиғида муаммолар бўлганда, Кимнинг саломатлиги учун масъул бўлган клиникага дори-дармонлар олиб келинаётгани тўғрисида белгилар бўлиши керак эди, аммо бундай ҳолат аниқланмади”, дея тушунтирган депутат.
Шу билан бирга, депутат Шимолий Корея раҳбари ҳали ҳам “кўп соатлик учрашувлар” ўтказиб туришини ва унинг юришида ҳам ғайриоддий ҳолат йўқлигини таъкидлаган.
Эслатиб ўтамиз, жорий йил июнь ойининг бошларида Ким Чен Ин жамоатчилик олдида сўнгги бор кўринганидан буён сезиларли даражада озиб кетгани маълум бўлганди.
Live
All
