Xorvatiyada zilzila yuz berdi

Olam

−

16 Fevral 2023 visibility28051 timer1 daqiqa

Joriy yilning 16 fevral kuni Xorvatiyada 5,3 magnitudali zilzila va 3 ta past ko‘rsatkichli yer silkinishlari kuzatildi. Bu haqda “Yevropa-O‘rtayer dengizi seysmologiya markazi” (EMSC) xabar berdi.

Ma’lumot berilishicha, 5,3 magnitudali zilzila mahalliy vaqt bilan 9:47 da qayd etilgan. Zilziladan biroz vaqt o‘tgach, 2,0 va 1,6 magnitudali kichik yer silkinishlari kuzatilgan.

Zilzila epimarkazi 141 ming aholi yashovchi Riyeka shahridan 36 kilometr janubi-sharqda bo‘lgani aytilmoqda.

Eslatib o‘tamiz, joriy yilning 6 fevral kuni Turkiyaning janubi-sharqida (mahalliy vaqt bilan 04:17 da – 7,7 ball va 13:24 da – 7,6 ball) magnitudasi yetti balldan ortiq bo‘lgan ikkita zilzila sodir bo‘ldi. Vayronkor zilzila qo‘shni davlatlar, jumladan, Suriya, Livan, Shimoliy Kipr Turk Respublikasi, Kipr Respublikasi va Iroqda ham sezildi.

Maqola muallifi