Хорватияда зилзила юз берди

Олам

−

16 Февраль 2023 visibility27372 timer1 дақиқа

Жорий йилнинг 16 февраль куни Хорватияда 5,3 магнитудали зилзила ва 3 та паст кўрсаткичли ер силкинишлари кузатилди. Бу ҳақда “Европа-Ўртаер денгизи сейсмология маркази” (EMSC) хабар берди.

Маълумот берилишича, 5,3 магнитудали зилзила маҳаллий вақт билан 9:47 да қайд этилган. Зилзиладан бироз вақт ўтгач, 2,0 ва 1,6 магнитудали кичик ер силкинишлари кузатилган.

Зилзила эпимаркази 141 минг аҳоли яшовчи Риека шаҳридан 36 километр жануби-шарқда бўлгани айтилмоқда.

Эслатиб ўтамиз, жорий йилнинг 6 февраль куни Туркиянинг жануби-шарқида (маҳаллий вақт билан 04:17 да – 7,7 балл ва 13:24 да – 7,6 балл) магнитудаси етти баллдан ортиқ бўлган иккита зилзила содир бўлди. Вайронкор зилзила қўшни давлатлар, жумладан, Сурия, Ливан, Шимолий Кипр Турк Республикаси, Кипр Республикаси ва Ироқда ҳам сезилди.

Мақола муаллифи