Хорижда яшовчи Туркия фуқароларининг сайловдаги фаоллиги рекорд даражага етди

Хорижда яшовчи Туркия фуқароларининг президентлик сайловларидаги фаоллиги рекорд даражага етди. Бу ҳақда “Euronews” хабар берди. 

Маълумотларга кўра, сайловнинг иккинчи турида хорижда яшовчи Туркия фуқароларининг 1 миллион 895 минг 430 нафари овоз берган. Умуман олганда, сайловчиларнинг фаоллиги рекорд даражада бўлиб, 55 фоизни ташкил этган. 

Мутахассисларнинг фикрича, ушбу фуқароларнинг овозлари ғолибни аниқлашда асосий омил бўлиши мумкин.

Амалдаги етакчи Ражаб Тойиб Эрдўған ва мухолифат номзоди Камол Қиличдорўғли президентлик учун курашмоқда. Биринчи турда сайловчиларнинг 49,5 фоизи Эрдўғонга овоз берган. Қиличдорўғлини 44,8 фоиз аҳоли қўллаб-қувватлади. 

Шунингдек, Туркия Президентлигига номзодини қўйган ва биринчи турдан сўнг 5,17 фоиз овоз билан мағлуб бўлган Синан Оған эса яқинлашаётган сайловда амалдаги Президентни қўллашини маълум қилганди.

Эслатиб ўтамиз, Туркияда президентлик сайловларининг иккинчи босқичида овоз бериш жорий йилнинг 28 май куни бўлиб ўтади.