Хоразмда ИИБ ходими ярим тунда эри Россияда бўлган аёлнинг уйида ушланди

Ижтимоий тармоқларда Хоразм вилоятининг Шовот туманида профилактика инспектори бегона аёлнинг уйида қўлга тушгани ҳақида хабарлар тарқалди. QALAMPIR.UZ ҳолатга аниқлик киритиш мақсадида Ички ишлар вазирлиги матбуот котиби Шоҳрух Ғиёсов билан боғланди. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QALAMPIR.UZ (@qalampir.uz)

Маълум қилинишича, аёлнинг эри хорижда Россияда бўлган. Ходим(катта лейтенант) туманнинг Идалиқалъа маҳалласида инспектор бўлган. ИИБ ходими аёлнинг хонадонига бир неча маротаба келган. Инспектор жорий йилнинг 31 январь куни тунда аёлнинг уйида бўлган вақтида аёлнинг эрига яқин қариндошлари томонидан ушланган. 

Воқеа жойига туман ИИБ масъуллари чақирилган. Чақирув бўйича келган ИИБ масъуллари ҳолатга ойдинлик киритиш мақсадида профилактика инспектори ҳамда гувоҳларни ИИБ биносига олиб кетган.

Айни пайтда ички ишлар органи ходими шаънига путур етказувчи ҳаракатлари учун ходимни ички ишлар органлари сафидан бўшатиш масаласи кўриб чиқилмоқда.