Карлос Алькарас 2025 йилнинг энг кўп даромад олган теннисчисига айланди

Испаниялик теннисчи Карлос Алькарас 2025 йилги мавсумда катта фарқ билан молиявий пойгада етакчилик қилиб, барча рақибларини ортда қолдирди. Шу билан бирга, у ATP мукофот пуллари бўйича рейтингнинг биринчи ўрнини эгаллади. Бу ҳақда “Tennis” нашри хабар берди.

Манбага кўра, йил охирига келиб Алькараснинг ҳисобида 21 354 778 доллар йиғилган бўлиб, бу уни энг кўп даромад олувчи теннисчи сифатида рўйхат бошига олиб чиқди. Иккинчи ўринда италиялик Янник Синнер (19 120 641 доллар), учинчи ўринда эса германиялик Александр Зверев (7 468 230 доллар) туради.

2025 йилги ATP мукофот пуллари бўйича энг яхши 10 теннисчи:

• Карлос Алькарас (Испания) – 21 354 778 $
• Янник Синнер (Италия) – 19 120 641 $
• Александр Зверев (Германия) – 7 468 230 $
• Алекс Де Минор (Австралия) – 6 666 087 $
• Лоренцо Музетти (Италия) – 6 345 640 $
• Лоренцо Музетти (АҚШ) – 5 938 539 $
• Феликс Оже-Альясим (Канада) – 5 820 031 $
• Бен Шелтон (АҚШ) – 5 672 734 $
• Новак Жокович (Сербия) – 5 140 175 $
• Каспер Рууд (Норвегия) – 3 971 374 $

Маълумот учун, 2025 йилги мавсумда испаниялик теннисчи иккита Катта дубулға Ролан Гаррос ва US Open чемпионлигини қўлга киритди. Шунингдек, у Токио, Цинциннати, Рим, Роттердам, Монте-Карло ва Лондондаги нуфузли турнирларда ғалаба қозониб, жаҳон эркаклар теннисининг етакчи юлдузи сифатидаги мавқеини мустаҳкамлади.