Kamchatkada O‘zbekiston fuqarosi tanishini o‘ldirib qo‘ydi
3-sahifa
−
02 noyabr 2020 8955 1 daqiqa
Rossiyaning Petropavlovsk-Kamchatka shahrida 31 yoshli O‘zbekiston fuqarosi ehtiyotsizlik tufayli odam o‘ldirib qo‘yganlikda gumon qilinmoqda.
Tergov ma’lumotlariga ko‘ra, voqea joriy yilning 27 oktyabr kuni kechqurun, Ust-Bolsheretsk viloyatida qurilayotgan uyda sodir bo‘lgan. O‘zbekiston fuqarosi 25 yoshli tanishi bilan janjallashib qolgan. Nizo oqibatida u tanishining ko‘kragiga pichoq bilan urgan.
So‘ng u jinoyat izlarini yashirish maqsadida uy yaqinidagi daryoga pichoqni tashlab yuborgan.
Jabrlanuvchi og‘ir tan jarohati olgani oqibatida qisqa vaqtdan so‘ng Ust-Bolsheretsk viloyati shifoxonasida vafot etgan.
Ta’kidlanishicha, Rossiya Federatsiyasi Jinoyat Kodeksining 111-moddasi 4-qismi bilan O‘zbekiston fuqarosiga nisbatan jinoyat ishi qo‘zg‘atilgan.
Ma’lumot uchun, gumonlanuvchi ilgari sudlanmagan.
Live
Barchasi
