Қуёшда учта кучли чақнаш юз берди (видео)
Олам
−
17 Июль 2023 9040
Кеча, 16 июль куни Қуёшда учта кучли чақнаш содир бўлди. Бу ҳақда академик Фёдоров номидаги Амалий геофизика институтининг гелиогеофизика хизмати хабар берди.
Қайд этилишича, Москва вақти билан соат 11:26 да рентген диапазонида М 1.1 синфининг чақнаши қайд этилган. Чақнаш давомийлиги 14 дақиқа давом этган.
“Чақнаш юқори частотали радио алоқасининг узилиши билан бирга келди”, дейилади хабарда.
Москва вақти билан соат 18:08 ва 20:46 да Қуёшда яна иккита М 1.8 ва М 4.0 синфида чақнаш юз берган.
Рентген нурланишининг кучига кўра, Қуёшдаги чақнашлар қуйидаги синфларга бўлинади: Х - энг кучли, М - ўртача, С - заиф, А ва Б – деярли сезилмайди.
Чақнашлар қуёш плазмасининг чиқиши билан бирга келади. Оқибатда чақнашлар Ерга этиб келиб, магнит бўронларини келтириб чиқариши мумкин.
