Қозоғистонлик теннисчи дунёнинг биринчи ракеткасига айланди

Беларусиялик теннисчи Арина Соболенко келаси ҳафта янгиланадиган WTA рейтингида дунёнинг биринчи рақамли теннисчиси мақомини йўқотади. Бу ҳақда “US Open” матбуот хизмати хабар берди.

Қозоғистонлик Елена Рибакина дунёнинг янги биринчи рақамли теннисчисига айланади. 27 ёшли теннисчи 2026 йилги “US Open” ярим финалига йўл олганидан сўнг рейтингда биринчи ўринни эгаллайди.

Рибакина 1975 йилдан буён юритиб келинаётган WTA рейтинги тарихида дунёнинг биринчи рақамли теннисчисига айланган Қозоғистоннинг илк вакили бўлади. У жорий мавсумда Австралия Очиқ чемпионатида ғолиб чиққан.

Маълумот учун, 28 ёшли Соболенко 2024 йил октябрь ойидан буён WTA рейтингида биринчи ўринни эгаллаб келаётган эди. Ҳозирда ҳар икки теннисчи ҳам “US Open” турнирининг ярим финалига йўл олган. Агар Соболенко ва Рыбакина ярим финал баҳсларида ғалаба қозонса, теннисчилар “US Open” финалида ўзаро тўқнаш келади.