Полина Кудерметова дунёнинг 1-ракеткасига қарши кортга чиқди
Спорт
−
16:43 416 1 дақиқа
Кеча, 22 октябрь куни Ўзбекистоннинг учинчи ракеткаси Полина Кудерметова Хитойда ўтаётган “Ningbo Open” турнирининг иккинчи босқичида жаҳон рейтинги етакчиси, қозоғистонлик Елена Рибакинага қарши кортга чиқди. Баҳс муддатидан олдин қозоғистонлик теннисчи фойдасига ҳал бўлди.
Саралаш босқичи орқали асосий тўрга йўл олган Кудерметова биринчи сетда 0:5 ҳисобида ортда қолди ва учрашувни давом эттирмасликка қарор қилди. Баҳс 33 дақиқа давом этди.
Учрашув давомида Рибакина битта эйсни амалга оширди, битта қўш хатога йўл қўйди ва тўққизта брейк-пойнтнинг учтасидан фойдаланди.
Шу тариқа, қозоғистонлик теннисчи чорак финалга йўл олди. У кейинги босқичда Рибакина поляк теннисчиси Катажина Кавага қарши баҳс олиб боради.
Маълумот учун, ҳозирда Полина Кудерметова жаҳон рейтингида 102-ўрни эгаллаб турибди.
Live
Барчаси
