Қотил йўллар. 2021 йилда қанча одам ЙТҲлар қурбони бўлди?

2021 йил Ўзбекистонда жами 10 001 та йўл-транспорт ҳодисаси содир бўлган, бунинг натижасида 2 426 нафар одам ҳалок бўлган. Бундан ташқари, 9 230 нафар фуқаро жароҳатланган.  Бу ҳақда Ички Ишлар вазирлиги хабар бермоқда.

Статистикага кўра,  йўл-транспорт ҳодисасининг содир этилиши бўйича Фарғона вилояти етакчилик қилмоқда. Ҳудудлар бўйича содир этилган йўл-транспорт ҳодисаларининг сони қуйидагича:

•  Андижон вилояти-848 та;
•  Бухоро вилояти-436 та;
•  Фарғона вилояти-1 469 та;
•  Жиззах вилояти-321 та;
•  Хоразм вилояти-342 та;
•  Наманган вилояти-1 082 та;
•  Навоий вилояти-329 та; 
•  Қашқадарё вилояти-552 та;
•  Қорақалпоғистон республикаси-506 та;
•  Самарқанд вилояти-1129 та;
•  Сирдарё вилояти-202 та;
•  Сурхондарё вилояти-376 та;
•  Тошкент вилояти-1336 та.

Аввалроқ, ҳайдовчиликка ўқитиш ва гувоҳнома бериш бўйича янги тизим яратилиши режалаштирилаётгани ҳақида хабар берган эдик. Бунинг асосий сабабларидан бири Ўзбекистонда йўл-транспорт ҳодисаларининг 75 фоизини 35 ёшгача бўлганлар содир этганидир.