Қишда Россия ва Украина музокараларни бошлаши мумкин

Украина бўйича тинчлик музокаралари шу қишда бошланиши мумкин. Бу ҳақда Польша Бош вазири Дональд Туск маълум қилди.

Тускнинг таъкидлашича, Варшава 1 январдан бошлаб Европа Иттифоқига раислик қила бошлаганида ҳар қандай музокараларда фаол иштирок этади.

“Биз сиёсий воқеалар тақвими қандай кўриниши ва музокаралар пайтидаги вазият учун жавобгар бўламиз, гарчи бу аниқ бўлмасада, келишув қишда бошланиши мумкин”, деган Дональд Туск.

Шунингдек, Туск Франция Президенти Эммануэль Макрон ва Буюк Британия Бош вазири Кир Стармернинг Варшавага ташрифи ҳақида маълум қилган.

Эслатиб ўтамиз, аввалроқ АҚШнинг сайланган президенти Дональд Трамп Украинада зудлик билан ўт очишни тўхтатишни талаб қилиб, Москва ва Киевни музокараларни бошлашга чақирганди. Парижда Зеленский билан учрашган Трамп Украина Президенти Владимир Зеленский урушни тугатиш, “жинниликка барҳам бериш” учун Россия билан келишувга интилаётганини айтди. Учрашувда Франция Президенти Эммануэль Макрон ҳам иштирок этганди.