Қандли диабетнинг дастлабки белгилари қандай?
Саломатлик
−
12 Декабрь 2021 17291
Шифокорга бормасдан туриб, қандли диабетнинг белгиларини қандай аниқлаш мумкин? Бу ҳақда терапевт Сури Дадашева маълумот берди.
“Асосий аломатлар ажралиб туради: чанқоқлик (доимий қуруқ оғиз кўп суюқлик истеъмол қилганда ҳам ўзгармайди), тез-тез ҳожатга чиқиш ва доимий очлик ҳисси”, деган шифокор.
Мутахассиснинг қўшимча қилишича, диабетнинг дастлабки белгиларига заифлик, терлаш, терининг қуриши ва яраларнинг ёмон битиши ҳам киради. Қандли диабетнинг энг кенг тарқалган сабаблари орасида ирсият, семизлик ва артериал гипертензия мавжуд.
“Хавф остида бўлган одамлар учун соғлом турмуш тарзини сақлаш, тана вазнини нормаллаштириш, мунтазам жисмоний фаолликни сақлаш ва стрессли вазиятлардан қочиш муҳим аҳамиятга эга”, деб изоҳ берган шифокор.
Дадашеванинг таъкидлашича, профилактика мақсадида сўнгги икки-уч ой ичидаги қон шакарининг ўртача даражасини ўлчаш учун ҳар олти ойда бир марта HbA1c тестини ўтказиш керак.
“Агар кўрсаткич 6 фоиздан ортиқ бўлса, эндокринологга мурожаат қилишингиз керак. Агар чегара ҳолатини ўз вақтида ушласангиз, вазиятни тўғри овқатланиш билан, ҳатто дори-дармонларга мурожаат қилмасдан ҳам тузатиш мумкин”, деб хулоса қилган терапевт.
