Давлат боғчалари қачондан ишлаши маълум қилинди

Жамият

image

Давлатга қарашли мактабгача таълим муассасалари фаолиятини хавфсиз ва сифатли ташкил этишга қаратилган дастур асосида 15 июндан 1 июлгача йўлга қўяди. Бу ҳақда Ахборот ва оммавий коммуникациялар агентлиги штабида Мактабгача таълим вазирлиги матбуот котиби Дилафрўз Икромова маълум қилди

Нега давлатга қарашли мактабгача таълим муассасалари кечроқ очиляпти?

"Республика махсус комиссиясининг қарорига кўра, 15 июндан бошлаб, "яшил" ва "сариқ" ҳудудларда мактабгача таълим муассасалари фаолиятига рухсат берилади.

Ҳозирда Мактабгача таълим вазирлиги Санитария-эпидемиологик осойишталик агентлиги, ЖССТ ва бошқа халқаро ташкилотлар вакилларидан иборат ишчи гуруҳ билан МТТлар фаолиятини тиклаш борасида қўйиладиган талаблар тартиби тўғрисида Низом ишлаб чиқилмоқда.

Айни дамда МТТлар фаолияти хавфсизлигини таъминлаш мақсадида барча шароитларни яратиш, жумладан, тарбияланувчиларнинг овқатланишини ташкил этиш учун озиқ-овқатлар, ҳимоя воситаларини сотиб олиш, ўрнатиш ва дезинфекция қилиш ишлари, шунингдек, МТТ ходимларини меҳнат таътилидан чақириш бўйича ҳужжатлар расмийлаштирилмоқда.

Зарур хавфсизлик чораларини таъминлаб берувчи хусусий МТТлари 2020 йил 15 июндан фаолиятини бошлаши мумкин.

Мактабгача таълим вазирлиги барча ҳолатларни инобатга олиб, давлат МТТлари фаолиятини хавфсиз ва сифатли ташки этишга қаратилган дастур асосида 15 июндан 1 июлгача йўлга қўяди. Шу боис вазиятни тўғри баҳолашингизни сўраймиз", дейди Дилафрўз Икромова.

Аввалроқ, 15 июндан фақат хусусий боғчалар фаолиятига рухсат берилгани маълум қилинган эди.

 

Мақола муаллифи

Теглар

боғча карантин МТМ

Баҳолаганлар

498

Рейтинг

3

Мақолага баҳо беринг

Дўстларингиз билан улашинг