Италия Президенти Самарқандга жўнаб кетди

Жамият

−

10 Ноябрь 2023 visibility6442

Айни кунларда расмий ташриф билан Ўзбекистонда бўлиб турган Италия Республикаси Президенти Сержо Маттарелла Тошкентдаги асосий тадбирлар якунлангач Самарқандга жўнаб кетди. Бу ҳақда Ўзбекистон Бош вазирининг матбуот котиби хабар берди.

Маълум қилинишича, Италия Президенти Ўзбекистон раҳбари билан бўлиб ўтган бир қатор расмий учрашувлардан сўнг Бош вазир Абдулла Арипов ҳамроҳлигида Тошкент шаҳридаги Турин политехника университетига ташриф буюриб, муассаса фаолияти билан яқиндан танишган.

Шундан сўнг, Президент Сержо Маттарелла қизи Лаура Маттарелла ҳамроҳлигида мамлакатнинг маданий-тарихий мероси билан яқиндан танишиш мақсадида Самарқанд шаҳрига жўнаб кетган. Олий мартабали меҳмонларни Тошкент халқаро аеропортида Бош вазир Арипов кузатиб қўйган.

Эслатиб ўтамиз, кеча, 9 ноябрь куни Италия Республикаси Президенти Сержо Маттарелла қизи Лаура Маттарелла билан бирга Ўзбекистонга келганди. Уларни Тошкент халқаро аэропортида Бош вазир Абдулла Арипов кутиб олди. Бугун, 10 ноябрь куни эрталаб Сержо ва Лаура Маттареллалар Абдулла Арипов ҳамроҳлигида “Янги Ўзбекистон” боғига ташриф буюриб, Мустақиллик монументи пойига гул қўйди. Кейинчалик Кўксарой қароргоҳида Италия Президенти Сержо Маттареллани расмий кутиб олиш маросими бўлиб ўтди. Маросимдан сўнг Ўзбекистон Президенти Шавкат Мирзиёев ва Италия Республикаси Президенти Сержо Маттарелла Кўксарой қароргоҳида икки томонлама музокара ўтказди. Унда кейин эса икки мамлакат ўртасидаги стратегик шериклик ва кўп қиррали ҳамкорлик муносабатларини янада ривожлантиришга қаратилган Қўшма баёнот қабул қилинди.

Мақола муаллифи

Муҳсинжон Умурзоқов

Теглар

Самарқанд саммит Абдулла Арипов Сержо Маттарелла Италия -Ўзбекистон

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Мустақил Давлатлар Ҳамдўстлиги ташкилотидан чиқаётган Молдова парламенти Европа Иттифоқига қўшилиш бўйича референдумни 20 октябрь кунига белгилади.

18 Май

Cobalt 3 нафар 1-синф Ўқувчиларни уриб, қочиб кетди. Болалардан бири вафот этган

Ҳолат 17 май куни Сурхондарёда содир бўлган. Cobalt русумли автомашина ҳайдовчиси қизил чироқда ҳаракатланиб, 3 нафар 7 ёшли болани уриб, бирини устидан босиб ўтган ва воқеа жойидан қочиб кетган. Болалардан бири вафот этгани айтилмоқда.

18 Май

Самарқанд шаҳрида “Европа Иттифоқи – Марказий Осиё” биринчи расмий саммити бўлиб ўтади

Президент ёрдамчиси Саида Мирзиёева Ўзбекистон билан Европа Иттифоқи ўртасида дипломатик муносабатлар ўрнатилганининг 30 йиллигига бағишланган расмий тадбирда иштирок этди.

18 Май

“Умра” тадбирларини ташкил этиш ва ўтказиш бўйича янги литсензияланадиган фаолият тури жорий этилмоқда.

18 Май

АҚШ Давлат котибининг фуқаролик хавфсизлиги бўйича ўринбосари Ўзбекистонга келяпти

19-23 май кунлари Узра Зея Ўзбекистон ва Қозоғистонда бўлади. Сафардан кўзланган мақсад демократик бошқарув ва қонун устуворлигини таъминлаш, инсон ҳуқуқлари ва аҳолининг заиф қатламларини ҳимоя қилиш ҳамда диний эркинлик масалалар эканлиги қайд этилган.

18 Май

Фарғонада 367 млн. сўмлик 270 дона уяли алоқа воситаларининг ноқонуний айланмасига чек қўйилди

Ҳолат юзасидан терговга қадар текширув ҳаракатлари олиб борилмоқда.

18 Май

Сирдарёда руҳий носоғлом аёлни мазах қилган ходимлар билан меҳнат шартномаси бекор қилинди.

18 Май

Қашқадарё вилояти Деҳқонобод туманида сел-сув тошқинлари юзага келди.

18 Май