IMEI-кодни рўйхатдан ўтказиш тартибида ўзгариш бўлди

Жамият

image

Ўзбекистонда жисмоний шайхслар томонидан мобил қурилмаларни учинчи шахсларнинг шахсий маълумотларидан (паспорт маълумотлари ва телефон рақамидан) фойдаланиш орқали рўйхатдан ўтказиш ҳолатларини олдини олиш мақсадида тизим оператори томонидан мобил қурилмаларни рўйхатдан ўтказиш жараёнига ўзгартириш киритилди. Бу ҳақда UZIMEI хабар берди.

Ушбу тартибга кўра, қурилманинг IMEI-кодини/кодларини рўйхатдан ўтказишда жисмоний шахслар томонидан фойдаланиладиган абонент рақами маҳаллий мобил операторларидан ариза берувчи номига расмийлаштирилган бўлиши керак.

Ўзбекистонга коронавирус кириб келиши ортидан карантин чекловлари ўрнатилиб, хориждан келаётган фуқаролар 14 кунлик карантинга олинадиган тартиб ўрнатилди. Аммо карантин муддатини ўтаб чиққан фуқароларда хориждан олиб келган телефон аппаратларини IMEI-кодини рўйхатдан ўтказишда муаммолар юзага кела бошлади. Эмишки, уларнинг паспортига бошқа телефон қурилмаси рўйхатдан ўтказилган. Ваҳоланки улар хориждан келибоқ карантинга олинган.

Фуқароларнинг бу борадаги ойлар давомида билдирган арз-додларига сентярбрь ойининг бошидагина эътибор берила бошлади. Бирдан барча масъул ташкилотлар “уйғониб” ҳолат бўйича суриштирув бошлади. Шулардан бири Давлат божхона қўмитаси бир ҳафтада ёпиб қўйилган чегарадан ўтиб, фуқароларнинг паспортини суратга олиб, ўз фойдасига ишлатаётган жиноий гуруҳни аниқлади. Яна бири Ахборот технологиялари ва коммуникацияларини ривожлантириш вазирлиги бошлаган суриштирув эса 20 кундирки ё якунланмади, ё якунланди-ю натижаси эълон қилинмади ёки бошланганича қолиб кетди. Буёғи вазирликка аён.

Эслатиб ўтамиз, Ўзбекистон Республикасининг 2 июль 2019 йил “Шахсга доир маълумотлар тўғрисида”ги қонунининг, 33-моддасига мувофиқ шахсга доир маълумотлар тўғрисидаги қонун ҳужжатларини бузганликда айбдор шахслар белгиланган тартибда жавобгар бўлади. Шахсга доир маълумотлар тўғрисидаги қонун ҳужжатларини бузганлик учун жазо Ўзбекистон Республикасининг Маъмурий жавобгарлик тўғрисидаги кодексининг 46-2-моддаси ва Ўзбекистон Республикасининг Жиноят кодексининг 141-2-моддаси билан белгиланиб қўилган.


Мақола муаллифи

Теглар

IMEI-код

Баҳолаганлар

719

Рейтинг

3

Мақолага баҳо беринг

Дўстларингиз билан улашинг