Илон маст одамни тишлаб, нобуд бўлди

Хорватияда спиртли ичимлик истеъмол қилган эркакни тишлаган илон нобуд бўлди. Бу ҳақда “News Bar” хабар берди.

42 ёшли Штеф Радулич иш бўйича учрашувдан сўнг маст ҳолда уйига қайтаётган эди. У илонни пайқамаган ва унинг ёнгинасидан ўтган. Илон шу заҳотиёқ эркакни чақиб олган. Радулич қаттиқ оғриқни ҳис қилган, пастга қараган ва илонга кўзи тушган.

Эркакнинг сўзларига кўра, илон ғалати ҳаракат қилган, ланж бўлиб кўриниб, гандираклаб қолган ва бошини икки марта дарахтга урган. Радулич илонни ушлаб, ветеринарга олиб борган, лекин у нобуд бўлган.

Текширув шуни кўрсатдики, илоннинг қонида алкоголь миқдори 5,1 граммни ташкил қилган, бу жуда ёмон кўрсаткичлиги айтилган. Ветеринар Мате Дрничнинг таъкидлашича, алкоголнинг бу даражаси илонлар учун жуда катта миқдор ва қайтарилмас оқибатларга олиб келади.

Илон заҳари Штеф Радуличга таъсир қилмаган. Шифокорлар алкоголь токсинни зарарсизлантиришига шубҳа қилмоқда. Унинг сўзларига кўра, эркак ҳозир рафиқаси билан жанжални тугатиш учун шифокордан “спиртли ичимлик туфайли тирик қолганини” расман тасдиқлашни сўрамоқда.

Эслатиб ўтамиз, аввалроқ дунёдаги энг катта тимсоҳ нобуд бўлганди. Тимсоҳнинг лақаби Кассиус бўлиб, у 1987 йилдан бери ҳайвонот боғида яшаб, 2010 йилгача ўсишда давом этган.