Гризманнинг “Барселона”га ўтишида иккита қоидабузарлик аниқланди

Испания Суди Антуан Гризманнинг 2019 йилда “Барселона”га ўтиши жараёнида икки қоидабузарлик белгилари мавжудлигини аниқлади. “Атлетико  Мадрид”нинг Испания Қироллик футбол федерациясига (RFEF)га маълум қилишича, клубда “Барселона”нинг қоидабузарликлари бўйича далиллар бор. Бу ҳақда “El Mundo” нашри хабар берди.

Манбага кўра, “Барселона” Хосеп Мария Бартомеу президентлиги даврида Антуан Гризманнинг трансферлар бўйича амалдаги шартномаси бўлган пайтда музокара олиб борилган. FIFA қоидаларига кўра, клуб амалдаги шартномаси бўлган футболчи билан клубига хабар бермасдан музокара ўтказа олмайди, шартноманинг охирги олти ойи бундан мустасно. “Барселона”нинг Гризманн бўйича ушбу ҳолати қоидаларнинг бузилиши деб ҳисобланмоқда.

Суд қарорида айтилишича, RFEF'нинг мумкин бўлган санкциясидан қочиш мақсадида тергов остидаги шахслар “Атлетико Мадрид” билан тўғридан тўғри музокара олиб бориб, бошланган жараёнга далил тақдим этмаслик эвазига 15 миллион евро тўлаш бўйича келишувга эришган. Суд бу фактларни бухгалтерия фирибгарлиги эҳтимоли сифатида баҳолади.

Шу тариқа, Гризманннинг “Барселона”га ўтиши тергов остида бўлиб, Бартомеу ва трансфер жараёнида иштирок этган бошқа шахслар жавобгарликка тортилиши мумкин.

Маълумот учун, Антуан Гризманн 2019 йилда “Атлетико Мадрид”дан “Барселона”га 120 миллион еврога кўчиб ўтиб, каталонияликлар билан 5 йиллик шартнома имзолаган эди. Кейинчалик Гризманн 2023 йил ёзида “Атлетико Мадрид”га қайта сотиб юборилади.