Англия Испаниянинг 43 ўйиндан иборат мағлубиятсиз сериясига барҳам берди
Sport
−
09:27 463 1 minute
Кеча, 15 ноябрь куни Англия терма жамоаси Миллатлар лигаси гуруҳ босқичининг олтинчи турида сафарда Испанияни 3:2 ҳисобида мағлуб этди. Учрашув Мадрид шаҳрида бўлиб ўтди.
Ғолиблар сафида Ҳарри Кейн 45-дақиқада пенальтини аниқ амалга оширди. Эзри Конса 53-дақиқада, Бен Уайт эса 57-дақиқада рақиб дарвозасини ишғол қилди. Испания терма жамоасининг голларига Микель Оярсабаль (65, пенальти) ва Нико Уильямс (75) муаллифлик қилди.
63-дақиқада ярим ҳимоячи Эллиот Андерсон қизил карточка олиб, майдонни тарк этди. Шундан сўнг Англия учрашувни бир киши кам бўлиб давом эттирди.
Мазкур мағлубият Испания терма жамоасининг 43 та ўйиндан иборат мағлубиятсиз сериясига якун ясади. Бу миллий терма жамоалар орасидаги рекорд серия эди. Испания сўнгги бор 2024 йил март ойида Колумбияга қарши ўртоқлик учрашувида 0:1 ҳисобида мағлуб бўлган.
Гуруҳ якунларига кўра, Англия ва Испания 15 очкодан жамғарди. Бироқ тўплар нисбати яхшироқ бўлгани сабабли Англия 3-гуруҳда биринчи ўринни эгаллади. Испания иккинчи бўлди. Хорватия 6 очко билан учинчи, Чехия эса очкосиз тўртинчи ўринни банд этди.
Маълумот учун, Элит дивизионнинг ҳар бир гуруҳида дастлабки икки ўринни эгаллаган жамоалар чорак финалга йўл олади. Португалия мусобақанинг амалдаги ғолиби ҳисобланади.
Live
All15 November
Zangiotadagi binoda yong'in chiqdi
15 November
Sudan armiyasi nazoratni qayta tikladi
15 November
Qora dengizda dron kemaga hujum qildi
15 November