Германияда отишма! 8 киши ҳалок бўлди

Олам

−

20 феврал 2020 visibility8558 timer1 дақиқа

Германиянинг Гессен федерал ерларидаги Ханау шаҳрида номаълум шахс отишма уюштириб саккиз кишини ўлдирди. Бу ҳақда минтақавий полиция маълум қилди.

“Сўнгги маълумотларга кўра, полиция 8 киши ҳалок бўлганини тасдиқлайди. Воқеанинг аниқ сабаблари номаълум”, дейилади баёнотда.

Иккита чилимхонада одамларни ўлдирган қотил ёлғиз ҳаракат қилган. У дастлаб Курт-Шумахер-плацдаги чилимхона ва букмекерлик идорасига кирган. Сўнг, Хоймаркт майдонидаги чилимхонада яна уч кишини ўлдирган. Қурбонлардан ташқари 5 киши жароҳатланган.

Қидирув ишлари давомида отишмани уюштиришда гумон қилинган шахс ўз уйидан ўлик ҳолда топилган.

Маълумот учун, Ханау Европа Иттифоқининг молиявий пойтахти Франкфурт шаҳридан 20 км узоқликда жойлашган.

Мақола муаллифи